ཕྱི་ཟླ་ ༡༢ – ༢༠༡༢

ཝེ་ནི་ཏེ་དགུན་ཁྲོམ་འདི་ནི་ལུ་རྫན་བོད་རིགས་ཚོགས་ཆུང་གི་ངོས་ནས་བོད་ཀྱི་རིག་གཞུང་དྲིལ་བསྒྲགས་ཙམ་མིན་པ་ཚོགས་ཆུང་གི་དཔལ་འབྱོར་བསྡུ་འགོད་ཀྱི་དམིགས་རྟེན་གཅིག་པོ་དེ་ཡང་ཡིན། དུས་སྐབས་དེའི་རིང་གནམ་གཤིས་གྲང་ངར་ཆེན་པོ་ཇི་ཙམ་ཡོད་མེད་ལ་མ་ལྟོས་པར་ཚོགྶ་ཆུང་མི་མང་ནས་འཕྱར་གྲུ་མཉམ་འདེགྶ་གནང་བར་རྟེན་དཔལ་འབྱོར་གྱི་མཁེ་འབབ་ཡང་གང་ལེགས་བྱུང་ཡོད།

འཛམ་གླིང་ཞི་བདེའི་དེད་དཔོན། ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ནོར་ཝེ་ཞི་བདེའི་གཟེངས་རྟགས་འབུལ་བཞེས་མཛད་ནས་མི་ལོ་ཉེར་གསུམ་འཁོར་བ་དང་། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་སྟེ་ལོ་གྲངས་ ༦༤ འཁོར་བའི་དུས་དྲན་སྲུང་བརྩིས་ཞུས་པ།

ཕྱི་ཟླ༡༢ཚེས་༡ཉིན་གྱི་སུད་སིའི་མངའ་སྡེ་སངྒ་ལེན་ས་གནས་ཚོགས་ཆུང་བོད་ཡིག་སློབ་གྲྭའི་གོ་སྒྲིག་འོག སུད་སིའི་ས་གནས་བོད་ཡིག་སློབ་གྲྭ་ཁག་གི་སློབ་ཕྲུག་གང་མང་མཉམ་ཞུགས་ཀྱིས་སུད་སི་རྒྱལ་ཡོངས་བོད་རིིགས་ན་ཆུང་བྱིས་པའི་ཕ་སྐད་གཙང་མའི་འགྲན་བསྡུར་སྐབས་དང་པོ་ཞེས་པའི་ཕ་སྐད་འགྲན་བསྡུར་ཀྱི་མཛད་རིམ་རྒྱས་པ་ཞིག་འཚོགས་སོང་།