ཕྱི་ཟླ་ ༧ – ༢༠༡༣

ཕྱི་ལོ༢༠༡༣ ལོའི་ཟླ ༧ ཚེས ༢༠ ཉིན་སུད་སི་ནང་གནས་སྡོད་སྟག་ཚང་དཀོན་ཅོག་དང་ལྷུན་གྲུབ་ཚང་ཀརྨ་བཀྲ་ཤིས་ཁྱིམ་ཚང་གཉིས་ཀྱིས་སུད་སི་གྲོང་ཁྱེར་ལུ་རྫན་ནང་བོད་ཟས་སྦྱིན་གཏོང་གིས་བོད་དོན་དྲིལ་བསྒྲགས་ལས་འགུལ་དམིགས་བསལ་བ་ཞིག་སྤེལ་ཡོད་འདུག

༢༠༡༣ ཕྱི་ཟླ་ ༧ ཚེས་ ༡༣ རེས་གཟའ་སྤེན་པ་ཕྱི་དྲོ་ཆུ་ཚོད་ ༡༤/༠༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཡོ་ནཱ་ཁུརོཡི་ཚི་ཚོགས་ཁང་ཆེན་མོར་ཞབས་སོར་འཁོད་པ་དང། སུད་སི་དང་ལེཀ་ཏེན་སིཊཡན་བོད་རིགས་མི་མང་གསུམ་བརྒྱ་སྐོར་ལ་བཀའ་སློབ་དང་བཀའ་དྲི་བཀའ་ལན་གྱི་ལས་རིམ་གང་ལེགས་བྱུང་སོང།

༢༠༡༣ ཟླ་ ༧ ཚེས་ ༩ རེས་གཟའ་མིག་དམར། ༄༅། །ཕྱི་ལོ་ ༢༠༡༣ ཟླ་ ༧ ཚེས་ ༦ ཉིན་༸གོང་ས་མཆོག་ཕྱི་ལུགས་ལྟར་དགུང་གྲངས་ ༧༨ ལ་ཕེབས་པའི་འཁྲུངས་སྐར་ཁམས་རྟའུ་ཉ་མཚོ་དགོན་པར་སྲུང་བརྩི་ཞུས་སྐབས་རྒྱ་ནག་གཞུང་གི་དམག་མིས་མང་ཚོགས་ནང་གང་བྱུང་མེ་མདའ་བརྒྱབ་འདུག དེ་བཞིན་དཀར་མཛེས་དང་ལི་ཐང་། བྲག་མགོ མདོ་སྨད་མགོ་ལོག་རྟ་བོ་དང་བླ་བྲང་། རྨ་ཆུ། ཆབ་ཆ། སྐུ་འབུམ་དགོན་བཅས་སུ་ཡང་སྐུའི་འཁྲུངས་སྐར་སྲུང་བརྩི་ཞུས་འདུག