ཕྱི་ཟླ་ ༦ – ༢༠༡༤

༢༠༡༤ ཕྱི་ཟླ་ ༦ ཚེས་ ༡༣ རེས་གཟའ་པ་སངས་ཉིན་འཇི་ནི་ཝར་མཉམ་འབྲེལ་རྒྱལ་ཚོགས་དང་འགྲོ་བ་མིའི་ཐོབ་ཐང་ལས་ཁུངས་ཨ་མའི་མདུན་ཐང་བཅས་སུ་སྐུ་ཕྱག་འཚལ་ཏེ་བོད་རྒྱ་ཞི་མོལ་བསྐུལ་འདེད་བྱེད་པའི་ཉིན་བཞི་བའི་ལས་འགུལ་མཐའ་མ སྔ་དྲོ་ཆུ་ཚོད་ ༠༩།༠༠ ཐོག་དབུ་འཛུགས་གནང་། སྐུ་ཕྱག་གི་ལས་འགུལ་ནང་མཉམ་ཞུགས་གནང་མཁན་མི་གྲངས་ ༡༩ དང་དེའི་ནང་བུ་མེད་ ༣ སྐྱེས་པ་ ༡༦ བཅས་དང་ལོ་ན་ཆུང་ཤོས་ ༢༣ དང་རྒན་ཤོས་ ༧༠ ཡིན།

དེ་རིང་ཕྱི་ཟླ་ ༦ ཚེས་ ༡༢ རེས་གཟའ་ཕུར་བུ་ཉིན་འཇི་ནི་ཝར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁུངས་ཨ་མའི་མདུན་ཐང་དུ་སྐུ་ཕྱག་འཚལ་ཏེ་བོད་རྒྱ་ཞི་མོལ་སྐུལ་འདེད་བྱེད་པའི་ལས་འགུལ་ཉིན་གསུམ་པ། ལས་འགུལ་ནང་མཉམ་ཞུགས་གནང་མཁན་མི་གྲངས་ ༢༠ དང་དེའི་ནང་བུ་མེད་ ༣ སྐྱེས་པ་ ༡༧ བཅས་དང་ལོ་ན་ཆུང་ཤོས་ ༢༣ དང་རྒན་ཤོས་ ༧༠ ཡིན།

སུད་སི་དང་།ལིཀ་ཏེན་སིཊཡན་ས་གནས་འཐུས་ཚོགས་ཀྱི་གོ་སྒྲིག་འོག་འདི་ལོ་ཕྱི་ཟླ་གསུམ་པ་ནས་མཉམ་འབྲེལ་རྒྱལ་ཚོགས་ཀྱི་དྲུང་ཆེེ་སྐུ་ཞབས་སྦན་ཀི་མོན་མཆོག་གི་བོད་རྒྱའི་དཀའ་རྙོག་སེལ་ཐབས་ཆེད་༸གོང་ས་མཆོག་དང་བཙན་བྱོལ་བོད་མིའི་སྒྲིག་འཛུགས་ཀྱི་སྐུ་ཚབ་ལྷན་ཞི་མོལ་ཡོང་ཐབས་བསྐུལ་དེད་གནང་དགོས་པའི་ལས་འགུལ་ཞིག་དབུ་འཛུགས་གནང་ཡོད།

དེ་ཡང་བོད་མི་མང་སྤྱི་འཐུས་ལྷ་ཚོགས་ནས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གི་དབུས་ཚོགས་མི་བཞི་ལས་གྲུབ་པའི་བོད་དོན་ཞུ་གཏུག་སྐུ་ཚབ་ཚོགས་ཆུང་ཞིག་ཡུ་རོབ་ཡུལ་གྲུ་ཁག་ཏུ་ཆེད་བཅར་གྱིས་བོད་ཀྱི་ཛ་དྲག་གནས་བབ་ལས་སྐྱོབ་ཐབས་སོགས་གཉིས་སྨན་དབུ་མའི་ལམ་གྱི་སྲིད་བྱུས་ཐོག་བོད་རྒྱ་ཞི་མོལ་ཡོང་ཐབས་བཅས་ཡིན་འདུག

༄༅། །ཕྱི་ལོ་ ༢༠༡༤ ཟླ་ ༦ ཚེས་ ༥ ཉིན་རྡ་སྟེང་བོད་ཁྱིམ་སློབ་གྲྭའི་ཚོགས་ཁང་ནང་༸གོང་ས་༸སྐྱབས་མགོན་ཆེན་པོ་མཆོག་གི་ཆོས་འབྲེལ་ཉིན་གཉིས་པའི་སྔ་དྲོའི་ཆོས་ཐུན་གྲུབ་མཚམས་སྲིད་སྐྱོང་བློ་བཟང་སེང་གེ་མཆོག་གིས་བོད་མིའི་སྒྲིག་འཛུགས་ཀྱི་རྒྱལ་སྤྱིའི་སྟེང་དབུ་མའི་ལམ་གྱི་གོ་རྟོགས་ལས་འགུལ་རྒྱ་སྐྱེད་གཏོང་རྒྱུའི་ལས་གཞི་དང་འབྲེལ་བའི་ཡིག་ཆ་ཁག་གསུམ་མགོན་པོ་གང་ཉིད་མཆོག་ལ་སྤྱན་བསྟར་ཞུས་རྗེས་༸གོང་ས་མཆོག་གིས་བཀའ་སློབ་སྙིང་བསྡུས་ཤིག་སྩལ་