ཕྱི་ཟླ་ ༦ – ༢༠༡༦

ཕྱི་ལོ་ ༢༠༡༦ ཟླ་ ༦ ཚེས་ ༡༨ ཉིན་ས་གནས་ལྦེ་ལྡན་སུ་ལྦིལ་གྱིས་གོ་སྒྲིག་འོག་ས་གནས་བོད་རིགས་མང་རྣམས་ལ་བོད་ཀྱི་ནང་ཆོས་ངོ་སྤྲོད་དང་བོད་དོན་སློབ་གསོ་ཆེད་དུ་རི་ཀོན་ཆོས་འཁོར་དགོན་གྱི་མཁན་རིན་པོ་ཆེ་མཆོག་དང་སཀུ་ངོ་དོན་གཅོད་མཆོག་རྣམ་གཉིས་ཀྱི་གསུང་བཤད་གནང་། ནང་ཆོས་ངོ་སྤྲོད་དང་བོད་དོན་སློབ་གསོའི་ལས་གཞི་འདི་ནི་སུད་སི་དང་ལིཀ་ཏེན་སིཊཡན་བོད་རིགས་མི་མང་གིས་གོ་སྒྲིག་འོག་ལས་རིམ་འགྲོ་བཞིན་པར་བརྟེན།

ཟླ་འདིའི་ཚེས་༡༥་ཉིན་སུད་སི་དང་ལིཀ་ཏེན་སིཊཡན་བོད་རིགས་མི་མང་གི་སྒྲིག་ཁུངས་ཀྱི་ཚོགས་ཆུང་བལ་དེན་སིལ་བུ་དང་ཧོར་རྒན། ཧྥོ་ཁུ་སུ་བེ་དང་ཛུ་རིག་བཅས་ཀྱིས་རྒྱལ་ཚོགས་ཀྱིས་ལོ་ལྟར་ཚོགས་འདུ་ཐེངས་གསུམ་ཚོགས་བཞིན་པའི་ཚོགས་དུས་གཉིས་པའི་སྐབས་དང་བསྟུན་ནས་རེ་འདུན་དོན་ཚན་བཞི་ཅན་གྱི་གསར་འགོད་གསལ་བསྒྲགས་ཤིག་སྤེལ་ཞོར་འགྲོ་བ་མིའི་ཐོབ་ཐང་ལྷན་ཁང་གིས་སྒོ་འགྲམ་ནས་རྒྱལ་ཚོགས་མདུན་བར་དུ་གོམ་བགྲོད་ཀྱིས་ངོ་རྒོལ་སྐད་འབོད་བྱས།

དེ་རིང་ཞོགས་པ་ཆུ་ཚོད་༡༡ཐོག་འགྲོ་བ་མི་ཡི་ཐོབ་ཐང་ལས་ཁུངས་མདུན་དུ་མངའ་སྡེ་ཇི་ནི་ཝ་དང་ལའུ་ས་ནེ་དེ་བཞིན་སྦེན་བཅས་གསུམ་གྱི་མི་མང་༧༠ལྷག་ལྷན་འཛོམས་གནང་། དེ་རྗེས་ཇི་ནི་ཝ་འཐུས་མི་མཚོ་སྐྱིད་ལགས་དང་ལའུ་ས་ནེ་འཐུས་མི་བསྟན་འཛིན་ལྷ་མོའི་འཐུས་ཚབ་སྦེན་འཐུས་མི་དཔལ་ལྡན་ནས་གསལ་བཤད་དང