ཕྱི་ཟླ་ ༡༠ – ༢༠༡༦

༧གོང་ས་ལྷ་མིའི་རྣམ་འདྲེན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་སུད་སི་དང་ལིག་ཏན་སི་ཊཡན་བོད་རིགས་མི་མང་སྒྲིག་འཛུགས་ངོས་ནས་ཇི་ལྟར་གསོལ་བ་བཏབས་པ་ལྟར། དེ་རིང་སྟེ་ཕྱི་ཚེས་༡༢ ཉིན་གྱི་ཉིན་གུང་ཕྱག་ཚོད་༡༢ ཙམ་ལ་སུད་སི་ནང་སེམས་བསོད་ནམས་ཀྱི་བགོ་སྐལ་དུ་ཆིབས་བསྒྱུར་བདེ་བར་སྐྱོང་གནང་ཡོད་པ་དང་།

༢༠༡༦ ལོའི་ཟླ་༩ཚེས་༡༦ ཉིན་སུད་སི་ཇི་ནེ་ཝ་གྲོང་ཁྱེར་གྱི་རྒྱལ་ཚོགས་འགྲོ་བ་མིའི་ཐོབ་ཐང་ལས་ཁང་ཨ་མའི་མདུན་ཐང་དུ། སུད་སི་དང་ལིག་ཏན་སིཊཡན་བོད་རིགས་མི་མང་སྒྲིག་འཛུགས་དང་། རྒྱལ་སྤྱིའི་བོད་དོན་ལས་འགུལ་ཁང་། སུད་སི་སྐུ་ཚབ་དོན་གཅོད། ཡུ་རོབ་བོད་རིགས་གཞོན་ནུའི་མཐུན་ཚོགས། སུད་སི་ས་གནས་བུད་མེད་ཚོགས་པ་བཅས་ཀྱི་མཉམ་འབྲེལ་ཐོག་བོད་དོན་གདུང་སེམས་མཉམ་བསྐྱེད་ཀྱི་ལས་འགུལ་གཞི་རྒྱ་ཆེ་བ་ཞིག་སྤེལ་ཡོད་འདུག