ཕྱི་ཟླ་ ༡ – ༢༠༡༧

ཕྱི་ལོ་༢༠༡༧ ཟླ་༡ ཚེས་༢༥ རེས་གཟའ་ལྷག་པའི་ཉིན་ལུ་ཛན་ས་གནས་བོད་ཡིག་སློབ་གྲྭ་རྣམ་ཀུན་བཞིན་ཚོགས་ཡོད་པ་དང་། དེ་ཉིན་༢༠༡༦ ཟླ་༡༢ཚེས་༤ཉིན་དགེ་རྒན་ཕ་མའི་ཚོགས་འདུའི་སྐབས་སློབ་ཕྲུག་ཚོས་༢༠༡༧ཟླ་བ་དང་པོ་ནས་བཟུང་ལྷག་དཀར་དང་སྟབས་བསྟུན་རེས་གཟའ་ལྷག་པ་ཉིན་བོད་ཆས་གྱོན་རྒྱུའི་གྲོས་ཆོད་གཏན་འབེབས་བྱུང་ཡོད་འདུག

སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱིས་ནང་ཆོས་ངོ་སྤྲོད་དང་བོད་དོན་སློབ་གསོའི་ལས་འཆར་ཐེངས་བརྒྱད་པ་འདི་བཞིན་༼VOLKETSWIL༽ཕོལ་ཀེཊྲ་སི་ཝིལ་ས་གནས་ཚོགས་ཆུང་དུ་ཕྱི་ལོ་ ༢༠༡༧།༠༡།༢༡ ཉིན་མཁན་རིན་པོ་ཆེ་མཆོག་དང་ས་གནས་སྐུ་ཚབ་དོན་གཅོད་མཆོག་རྣམ་གཉིས་དབུ་བཞུགས་ཐོག་བསྐོང་ཚོགས་གནང་།

དེ་རིང་ཚེས་༡༨ ཉིན་ཡུ་རོབ་བོད་རིགས་གཞོན་ནུའི་མཐུན་ཚོགས་ཀྱི་ཚོགས་མི་ཁག་ཅིག་གིས་སུད་སི་ཇི་ནི་ཝ་མཉམ་འབྲེལ་རྒྱལ་ཚོགས་མདུན་ཐང་དུ་ཞིས་ཅིན་ཕིང་ལ་ངོ་རྒོལ་བྱས་འདུག་པ་དང་། ངོ་རྒོལ་བྱེད་མཁན་ཁག་ཅིག་ཉེན་རྟོག་པས་འཛིན་བཟུང་བྱས་འདུག

དེ་རིང་ཕྱི་ཚེས་༡༥ ཉིན་གྱི་ཆུ་ཚོད་༡༠ ཐོག་ནས་ཆུ་ཚོད་༡༢ བར་སུད་སི་ས་གནས་སྦརན་གྱི་Waisenhausplatz ནང་ སུད་སི་ལིག་ཏེན་སི་ཊཡན་བོད་རིགས་མི་མང་གི་གོ་སྒྲིག་འོག རྒྱ་ནག་གི་སྲིད་འཛིན་ཞེས་ཅིན་ཕིང་སུད་སི་སླེབས་ཀྱིན་ཡོད་པ་དང་སྟབས་བསྟུན། བོད་དོན་རྒྱབ་སྐྱོར་པ་དང་སུད་སི་གནས་སྡོད་བོད་མི་ལྔ་བརྒྱ་ལྷག་གིས་ཞི་རྒོལ་ལས་འགུལ་གཞི་རྒྱ་ཆེ་བ་ཞིག་སྤེལ་ཡོད་འདུག

ཟླ་༡ ཚེས་༡༣ ཉིན་སུད་སི་དང་ལེག་ཏེན་སི་ཊཡན་བོད་རིགས་མི་མང་དང་། སུད་བོད་མཐུན་གྲོགས་ཚོགས་པ་ཐུན་མོང་གི་གོ་སྒྲིག་འོག སུད་སི་གཞུང་གིས་རྒྱ་ནག་གི་སྲིད་འཛིན་སུད་སིར་སླེབས་སྐབས་སུད་སི་གཞུང་གིས་འགྲོ་བ་མིའི་ཐོབ་ཐང་སྐོར་དང་འབྲེལ་བོད་དོན་གླེང་སློང་གནང་རྒྱུ་ཡིན་སྐོར་ཁས་ལེན་གནང་ཡོད་པའི་ཐད་གསར་འགོད་གསལ་བསྒྲགས་ཤིག་གནང་ཡོད་འདུག