ཕྱི་ཟླ་ ༣ – ༢༠༡༧

ཟླ ༣ ཚེས་༢༦ རེས་གཟའ་སྤེན་པའི་ཉིན་སུད་སི་ལེག་ཏན་སི་ཊཡན་བོད་རིགས་མི་མང་དང་སུད་སིའི་ཆོལ་ཁ་གསུམ་གྱི་ས་གནས་སྒྲིག་འཛུགས་ཁག་དང་མཉམ་རུབ་ཐོག་རྒྱལ་གཅེས་དཔའ་བོ་པདྨ་རྒྱལ་མཚན་ལགས་ཀྱིས་གཙོས་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་མཆོད་འབུལ་སྨོན་ཞིག་འཚོག་གནང་ཡོད་འདུག

༄༅། །ཕྱི་ལོ་ ༢༠༡༧ ཟླ་ ༣ ཚེས་ ༡༨ ཉིན་བོད་ཁམས་ཉག་རོང་ནས་ཡིན་པ་རང་ལོ་ ༢༤ སོན་པའི་བོད་མི་པདྨ་རྒྱལ་མཚན་ལགས་ཀྱིས་རྒྱ་ནག་གཞུང་གིས་བོད་མིའི་ཐོག་དམ་བསྒྲགས་སུན་གཙེར་མུ་མཐུད་བཟོ་བཞིན་པ་དེར་ཞི་རྒོལ་རྔམ་སྟོན་ཆེད། བོད་ནང་གི་ཕྱེད་ཡོལ་ཆུ་ཚོད་ ༤ ཙམ་ལ་མཚོ་ཁ་དགོན་པའི་ཉེ་འགྲམ་དུ་རང་ལུས་མེར་སྲེག་བཏང་འདུག

སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱིས་ངོས་ནས་སུད་སིའི་ས་གནས་བོད་རིགས་ཚོགས་ཆུང་ཁག་ལྔ་རེ་ལས་བསྒོའི་ཐོག་སུད་སི་ཇི་ནི་ཝ་མཉམ་འབྲེལ་རྒྱལ་ཚོགས་མདུན་དུ་བོད་དོན་ཞུ་གཏུག་གི་ལས་འགུལ་ཞིག་སྤེལ་བཞིན་པ་ལྟར། དེ་རིང་ས་གནས་ཚོགས་ཆུང་ཁག་ལྔས་བོད་དོན་ཞུ་གཏུག་གི་ལས་འགུལ་སྤེལ་ཡོད་འདུག

དེ་རིང་ཕྱི་ཟླ་ ༣་ཚེས་༡༠ རེས་གཟའ་པ་སངས་ཉིན་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱི་གོ་སྒྲིག་འོག་སུད་སི་རྒྱལ་ས་སྦརན་གྲོང་ཁྱེར་གྱི་Veletiaplatz Bern ནས་Münterplatz Bern བར་བོད་མི་གཅིག་སྟོང་ལྷག་འདུ་འཛོམས་ཀྱིས་རྔམ་སྟོན་ཁྲོམ་སྐོར་དང་སྐད་འབོད་བཅས་གནང་སྟེ་སུམ་བཅུའི་དུས་དྲན་ཐེངས་༥༨ པ་སྲུང་བརྩི་གནང་ཡོད་འདུག

ཛུ་རིག་ཚོགས་ཆུང་གི་ལོ་སར་མཛད་སྒོ་དང་ནང་ཆོས་ངོ་སྤྲོད། ༢༠༡༧ ཟླ་ ༣ ཚེས་༤ ཉིན་སུད་སི་ས་གནས་ཛུ་རིག་ཚོགས་ཆུང་བོད་རྒྱལ་ལོ་༢༡༤༤ ལོའི་ལོ་སར་སྲུང་བརྩི་དང་སྟབས་བསྟུན། ཚོགས་ཆུང་གི་མི་མང་རྣམས་ལ་ནང་ཆོས་ངོ་སྤྲོད་དང་བོད་དོན་སློབ་གསོའི་ལས་འགུལ་ཞིག་སྤེལ་གནང་ཡོད་འདུག