ཕྱི་ཟླ་ ༤ – ༢༠༡༧

༢༠༡༧ ལོའི་ཟླ ༤ ཚེས་༡༥ རེས་གཟའ་སྤེན་པའི་ཉིན་སུད་སི་དང་ལིག་ཏེན་སི་ཊཡན་བོད་རིགས་མི་མང་གི་ལས་འཆར་བཞིན། སུད་སི་ས་གནས་ལོའོ་སན་ནང་རི་ཁོན་མཁན་རིན་པོ་ཆེ་མཆོག་དང་། སུད་སི་སྐུ་ཚབ་དོན་གཅོད་སྐུ་ངོ་དངོས་གྲུབ་རྡོ་རྗེ་ལགས་རྣམ་གཉིས་ཆེད་ཕེབས་གནང་ཞིང་། ས་གནས་འཐུས་མི་གཙོས་ས་གནས་མི་མང་རྣམས་མཉམ་ཞུགས་གནང་ཏེ་ས་གནས་མི་མང་ཚོར་ནང་ཆོས་ངོ་སྤྲོད་དང་བོད་དོན་བགྲོ་གླེང་གནང་ཡོད་འདུག

སུད་སི་ལིག་ཏེན་སིཊ་ཡན་བོད་རིགས་མི་མང་ཚོགས་གཙོ་སྦྲེལ་བོས་འདི་གར་གསར་ཁང་ལ་གནས་ཚུལ་བཏང་འབྱོར་དང་། གསར་འགྱུར་འདི་བཞིན་ངེས་འཁོད་དགོས་པའི་བཀའ་ཕེབས་དོན་ལྟར་ན། ཟླ་༤ ཚེས་༡ ཉིན་ས་གནས་ཚོགས་ཆུང་ཚག་ཚུད་མེད་པའི་དཀའ་ངལ་ཁག་ཅིག་ལ་བརྟེན་སུད་སི་བོད་རིགས་མི་མང་སྒྲིག་འཛུགས་ཀྱི་ཚོགས་གཙོ་སྦྲེལ་བོས་སྟངས་འཛིན་འོག སུད་སི་དོན་གཅོད་མཆོག་གི་སྐུ་ཚབ་དང་སུད་སི་མི་མང་སྒྲིག་འཛུགས་ཀྱི་རྒྱུན་ལས་ཁག་ཅིག་བཅས་དབུ་བཞུགས་ཐོག་ས་གནས་དེར་ཛ་དྲག་གི་ཚོགས་འདུ་ཞིག་སྐོང་འཚོག་གནང་ཡོད་འདུག