ཕྱི་ཟླ་ ༥ – ༢༠༡༧

༢༠༡༧ ཟླ ༥ ཚེས་༢༧ ཉིན་ཏེ་སུད་སི་དང་ལིག་ཏེན་སིཊཡན་བོད་རིགས་མི་མང་གི་གུ་རུ་འབུམ་ཚོགས་ཐེངས་བཞི་བའི་ཉིན་གསུམ་པའི་ཉིན། བྱང་རྩེ་ཆོས་རྗེ་རིན་པོ་ཆེ་མཆོག་དབུ་བླར་དབུ་བཞུགས་ཐོག་མ་ཧཱ་གུ་རུ་འབུམ་ཚར་གཅིག་བསགས་ཚར་བའི་མཇུག་སྐྱོང་མཛད་རིམ་འཚོག་གནང་ཡོད་འདུག

སུད་སི་དང་ལིག་ཏན་སིཊཡན་བོད་རིགས་མི་མང་གིས་གོ་སྒྲིག་ཞུ་བཞིན་པའི་འབུམ་ཚོགས་སྐབས་བཞི་བ་བྱང་རྩེ་ཆོས་རྗེ་རིན་པོ་ཆེ་རྗེ་བཙུན་བློ་བཟང་བསྟན་འཛིན་མཆོག་དབུ་བཞུགས་ཐོག་དངོས་སུ་དབུ་འཛུགས་གནང་།

༢༠༡༧ ཟླ་༥ ཚེས་༢༡ ཉིན་སུད་སི་རི་ཁོན་ཆོས་འཁོར་དགོན་དུ་སུད་སི་ས་གནས་བོད་ཀྱི་བུད་མེད་ཚོགས་པའི་ངོས་ནས་རི་ཁོན་མཁན་རིན་པོ་ཆེ་མཆོག་དབུ་བཞུགས་གདན་ཞུ་ཞུས་ཏེ་ནང་ཆོས་ངོ་སྤྲོད་དང་། ཉེ་ཆར་བོད་ནང་སྐུ་ལུས་མེར་སྲེག་གནང་མཁན་རྒྱལ་གཅེས་དཔའ་བོ་མཚོ་སྔོན་གཅན་ཚ་རྫོང་གྱེར་སྟེང་དགོན་པའི་གྲྭ་དགེ་འདུན་འཇམ་དབྱངས་ལགས་ཀྱི་ཆེད་མཆོད་འབུལ་སྨོན་ལམ་བཅས་གནང་ཡོད་འདུག

ཟླ་༥ ཚེས་༣ ཉིན་སུད་སིར་གནས་སྡོད་ཁྱིམ་ཚང་དྲུག་གིས་སྦེལ་ཇམ་གྲོང་ཁྱེར་སྦར་སིལ་ནང་བརྟེན་གཞི་བྱས་པའི་ཡུ་རོབ་མཉམ་འབྲེལ་གྲོས་ཚོགས་མདུན་དུ་བོད་དོན་ཞུ་གཏུག་གི་ལས་འགུལ་ཉིན་གསུམ་པའི་ཉིན། ཡུ་རོབ་མཉམ་འབྲེལ་གྲོས་ཚོགས་ཀྱི་ཚོགས་མི་ chilly drizzle མཉམ་ཞུགས་གནང་ཡོད་པ་དང་། ཁོང་གིས་བོད་དོན་ལ་རྒྱབ་སྐྱོར་དང་གདུང་སེམས་མཉམ་སྐྱེད་ཡོད་པའི་བཀའ་སློབ་གནང་།