ཕྱི་ཟླ་ ༦ – ༢༠༢༢

ཕྱི་ལོ་ ༢༠༢༢ ཟླ། ༦ ཚེས། ༡༡ ཉིན་སུད་སི་དང་ལིག་ཏེན་སིཊཡན་ནང་ཡོད་པའི་བོད་ཡིག་སློབ་གྲྭ་ཁག་གི་ནང་ཁུལ་ལོ་རེའི་ཕ་སྐད་ཉིན་མོའམ་བོད་ཀྱི་སྐད་ཡིག་འགྲན་སྡུར་ཐེངས་བདུན་པ་དེ་སུད་སི་ནང་གྲོང་ཁྱེར་ཝེ་དེནསི་ཝིལ་དུ་ཚོགས་ཐུབ་པ་བྱུང་ཡོད། དེ་ཡང་སུད་སི་དང་ལིག་ཏེན་སིཊཡན་ནང་ཡོད་པའི་བོད་སློབ་ཁག་བཅོ་བརྒྱད་ནས་སློབ་ཕྲུག་ཁྱོན་བསྡོམས་ ༣༠༠ ལྷག་ཙམ་མཉམ་ཞུགས་གནང་ཡོད། མཛད་རིམ་གྱི་ཐོག་མར་ཞལ་འདོན་དབུ་འཛུགས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་དང་རྣ་བའི་བཅུད་དུ་གྱུར་པའི་ང་ཡི་རྩ་བའི་བླ་མ་ཞེས་པའི་༧གོང་ས་མཆོག་ལ་བསྟོད་གླུ་དབྱངས་སུ་གྱེར།