གསར་འགྱུར་གསར་པ།

༢༠༢༡ ཟླ། ༥ ཚེས། ༣༠ ཉིན་སུད་སི་གྲོང་ཁྱེར་ཛུ་རིག་ཏུ་ཡོད་པའི་བོད་རིགས་མི་མང་སྒྲིག་འཛུགས་ཀྱི་ཚོགས་ཁང་ནང་དེ་རིང་སྐབས་བཅོ་བརྒྱད་པའི་དུས་ཡུན་གྱི་ཐེངས་དང་པོར་སུད་སི་དང་ལིག་ཏེན་སིཊཡན་བོད་སློབ་སྤྱི་ཁྱབ་འགན་འཛིན་ནས་གོ་སྒྲིག་གིས་ས་གནས་བོད་སློབ་འགན་འཛིན་ཡོངས་རྫོགས་གདན་ཞུས་ཀྱིས་བོད་ཀྱི་སྐད་ཡིག་རིག་གཞུང་སྲུང་སྐྱོབ་དང་སོ་སོའི་ས་གནས་སུ་ཡོད་པའི་བོད་སློབ་ཁག་ཡར་རྒྱས་གོང་འཕེལ་གཏོང་ཕྱོགས་དང་འབྲེལ་ལས་འཆར་སྣ་ཚོགས་ཞིག་སྤེལ་ཕྱོགས་སྐོར་ཚོགས་ཆེན་ཐེངས་དང་པོ་ཚོགས་ཐུབ་པ་བྱུང་ཡོད།

ཕྱི་ལོ་ ༢༠༢༡ ཟླ་ ༥ ཚེས་ ༢༦ དང་བོད་ཟླ་བཞི་པའི་བོད་ཚེས་བཅོ་ལྔ་ཉིན་སུད་སི་རི་ཀོན་ཆོས་འཁོར་དགོན་དུ་སུད་སི་དང་ལིག་ཏེན་སིཊཡན་བོད་རིགས་མི་མང་གིས་གོ་སྒྲིག་འོག་ས་ག་ཟླ་བའི་མཆོད་འབུལ་སྨོན་ལམ་འཚོགས་ཡོད་པ་རེད།

དེ་རིང་སུད་སི་གྲོང་ཁྱེར་ཛུ་རིག་ནང་ཡུ་རོབ་བོད་རིགས་གཞོན་ནུའི་མཐུན་ཚོགས་ཀྱི་སྣེ་ཁྲིད་དེ། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་མཉམ་རུབ་ཐོག པཎ་ཆེད་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གི་བཙོན་འཇུག་འོག་གར་སོང་ཆ་མེད་དུ་གྱུར་ནས་མི་ལོ་༢༦ འཁོར་བར་ཆེད་དུ་ལས་འགུལ་ཞིག་སྤེལ་གནང་སོང་།